சகோதர உறவு பலப்பட பரிகாரம்

அன்பர்களே, இன்று நாம் காணவிருப்பது, மானிடப்பிறவி பற்றியதாகும். இந்த மானிடப் பிறப்பு என்பது, மகத்தானது, அதனால்தான் ஔவை பிராட்டியார், "அரிது அரிது மானிடராய் பிறத்தல் அரிது" என்று கூறியிருகின்றார். ஒரு மனிதன் சகோதர, சகோதரியுடன் ஒருதாய் வயிற்றில் பிறந்து. இந்தவேண்டாத பகையுணர்ச்சியைப் பெற்று பிரிந்துவிடுவது என்பது "Relationship Karma என்று சொல்லப்படுகின்ற இரத்தபந்தங்களை உணர்வுப்பூர்வமாக மதிக்கத்தெரியாத அம்மனிதர்களுக்குக்கிடைக்கின்ற ஒரு பலமான அடியாகும்

தம்பி உடையான், படைக்கு அஞ்சான் என்று ஒரு சொல் வழக்கு உண்டு. உலகில் பிறக்கும் அனைவருக்கும் சகோதர ஒற்றுமை ஏற்பட்டு விடுகின்றதா? என்றால் நிச்சயமாக இல்லை , அது ஏன்

பொன்னுக்கும், பொருளுக்கும், பணத்திற்கும் ஆசைப்பட்ட மனிதன் சகோதர, சகோதரிகளை, உற்றார் உறவினர்களை, சகமனிதர்களை, ஏன்

பெற்ற தாயைக்கூட மறந்து செல்வபோதையில் சிக்கிக்கொள்கின்றனர். அது ஏன்

அவர்கள் பெற்ற வரமும், இந்த ஜாதகத்தின் சாபமும் அப்படி? இதை எவ்வாறு கண்டுணர்வது.

ஒருவருடைய ஜனன ஜாதகத்திலே செவ்வாய் பழுது படக்கூடாது. செவ்வாய் கடகத்திலே நீச்சம் பெற்று பங்கம் பெறாது போய், செவ்வாய், மூன்று, ஆறு, எட்டு பனிரெண்டில் மறைந்தால், சகோதரர்களை காட்டும் மூன்றாவது இடத்திலே செவ்வாய் இருந்தால், சனி இருந்தால், ராகு அல்லது கேது இருந்தால் நிச்சயமாக அங்கே சகோதர முறிவு ஏற்படும்.

அப்போது அதை நிவர்த்தி செய்வதற்கான வழி என்ன? அதற்கான பரிகாரம் என்ன என்பதை நீங்கள் அறிந்து கொள்ள இருக்கிறீர்கள்.

சுக்குக்கு மிஞ்சிய மருந்துமில்லை, சுப்ரமணியனுக்கு விஞ்சிய கடவுளும் இல்லை " என்று முருகப்பெருமானை உயர்த்துகின்ற பழமொழி. முருகனே செவ்வாய் அம்சமாக இருக்கிறார்.

முருகனை பிடித்தவர்கள், முருகனை வணங்கி வர, உடன் விநாயகப்பெருமானையும் வணங்கி வேர் சகோதரர்களுக்கிடையே இருந்து வந்த அந்தக் கசப்புணர்ச்சி மறையும், சகோதர பலம் கூடும் ஒவ்வொரு செவ்வாயன்றும், "செவ்வாய் ஹோரை" என்று சொல்லப்படுகின்ற நேரத்திலே, முருகனின் ஸ்தலங்களுக்குச் சென்று, செவ்வாய்க்கிழமையில், செவ்வாய் ஹோரை" மூன்று நேரங்களிலே வருகின்ற நேரங்களான, காலை ஆறு மணியிலிருந்து ஏழு மணி வரையிலும், மதியம் ஒரு மணியிலிருந்து இரண்டு மணி வரையிலும், இரவு எட்டு மணியிலிருந்து ஒன்பது மணிவரையிலும் இருக்கின்ற தருணத்தில் முருகன் ஆலயம் சென்று

"நெய் தீபம் ஏற்றி, 'முருகா, எனக்கு, என் சகோதர, சகோதரிகளிடம் பாசம் ஏற்பட இணக்கம் ஏற்பட வரம் கொடு" என்று மனதார வேண்ட, அவ்வேண்டுதல் நிச்சயமாக உங்களுக்கு நல்ல பலனைக் கொடுக்கும். ஏனெனில் மனதார, உண்மையாகப் பிரார்த்திக்கப்படும் பிரார்த்தனையானது மாசு மருவற்ற தூய்மையான தாய்ப்பாலுக்கு நிகராகும்.

அதுபோன்று, தசாவதாரங்களிலேயே செவ்வாயைப் பற்றிக் கூறும் அவதாரமாக இருப்பவர் நரசிம்மமூர்த்திதான். எனவே

யோக நரசிம்மர்' என அழைக்கப்படும் நரசிம்மமூர்த்தியின் படத்தை பூஜையறையில் வைத்து வணங்கி வர குறிப்பாக சுவாதி நட்ச்சத்திரத்திலே

"பானகம்" தயாரித்து, சுவாதி நட்ச்சத்திரத்திலே நரசிம்மர் முன்பு, அந்த பானகத்தை வைத்து அல்லது பானகத்தை நரசிம்மர் ஆலயங்களிலே வைத்து விநியோகம் செய்ய வேண்டும்

மனதார என்னுடைய சகோதர, சகோதரிகளிடையே இருந்த பிணக்கு தீர வேண்டும். ஒற்றுமை மலர வேண்டும், நாங்கள் இந்தப் பிறவியிலேயே எந்த வித வழக்கிற்கும் செல்லக்கூடாது என்று நீங்கள் மனதார இவ்விரு கடவுள்களையும் வேண்டி வணங்கினால் அந்த நரசிம்மமூர்த்தியின் கருணையால் உங்கள் ஜாதக்கத்திலிருந்த அந்த பாதிப்பு நீங்கி உங்களின் சகோதர உறவு மேம்படும் என்று கூறி இப்பகுதியை இனிதே பூர்த்தி செய்கிறோம்.