திக்குவாய் தோஷம் நீக்க பரிகாரம்

அன்பர்களே, இன்று நாம் காணவிருப்பது திக்குவாய் தோஷத்தை நீக்கி, சரளமாக பேசவைப்பதற்காக மேற்கொள்ளும் பரிகாரங்கள் பற்றியதாகும்

பொதுவாக, நாம் சரளமாக பேசிக்கொண்டிருக்கும்பொழுது, ஒருசிலர் திக்கித்திக்கிப் பேசி பெரும் கேலிக்கும் கிண்டலுக்கும் ஆளாகி வெட்கப்பட்டு வேதனைப்படுவார்கள், பெரும் தாழ்வு மனப்பான்மை அவர்களை ஆட்கொள்ளும்

தங்களால் மற்றவர்களைப்போன்று சரளமாகவும், தெளிவாகவும் பேச முடியாதா? என்று ஏங்குவார்கள்

அவர்களைப் பார்த்து பரிதாபப்பட மட்டுமே அவர்களைச் சார்ந்தவர்களால் இயலும்

அக்குறையைப் போக்குவதற்கான வழிகளும், பரிகாரங்களும் அவர்களுக்குச்சொல்ல வருவதில்லை அதுதான் பரிதாபத்தின் உச்சம் அப்படிப்பட்டவர்களுக்கெல்லாம், அதி அற்புதமான பரிகாரம் ஒன்று காத்துக் கொண்டிருக்கின்றது. என்பது திண்ணம்

எல்லாம் வல்ல இறைவனின் திருவுள்ளத்தை நினைந்து இந்தப்பரிகாரம் உங்களுக்கு அளிக்கப்படுவதற்கு முன்பு திக்குவாய் உண்டாக்குகின்ற ஜாதகங்களின் அமைப்பு எப்படி இருக்கும் என்பது குறித்து அன்பர்களுக்கு விளக்கவிருக்கின்றோம்

வாக்குஸ்தானம் என்று கூறப்படுகின்ற இடத்திலே, வாக்குஸ்தானாதிபதி மெலிந்து மறைந்து அவர் மோசமானநிலையில் இருந்தால், 'திக்குவாய்' தோஷம் ஏற்படுகின்றது. சில குழந்தைகள் பிறந்த சிறிது காலத்திற்குள்ளேயே பேசி வருகிறது, சில குழந்தைகள் பிறந்து பல வருடங்கள் ஆகியும் வாய் பேச முடியாமல் இருந்து விடுகின்றன, சில குழந்தைகள் திக்கி, திக்கி பேசுகிறது

இந்த நிலை ஏன்

வாக்குஸ்தானம் கடுமையாக பாதிப்பு இந்தநிலை இப்படிப்பட்ட குழந்தைகளுக்கு ஒரு குறிப்பிட்ட காலம் வரை வந்து கொண்டிருக்கும் என்று ஜோதிடம் கூறுகின்றது

அப்படிப்பட்ட குழந்தைகளுக்கு ஓர் அற்புதமான பரிகாரத்தைத்தான் இப்பொழுது வழங்கிக் கொண்டிருக்கின்றோம். ஒரு சனிக்கிழமை ராகு, கேது ஸ்தலங்களுக்குச் சென்று ஒன்பது பத்தரை மணியளவிலே அந்தக் குழந்தைகளுக்கு அர்ச்சனை செய்து, ராகு, கேதுவின் அருளாசியும் கருணையையும் பெற்றால் நிச்சயமாக இந்த திக்குவாய் தோஷத்திலிருந்து விடுபடலாம்

இன்னொரு மாற்றுப்பரிகாரம் என்னவென்றால், இப்படி செய்ய இயலாதவர்கள் "நாங்கள் வீட்டிலேயே இருந்து பரிகாரம் செய்ய விரும்புகின்றோம்" என்று கூறினால் கேதுவை வசீகரிக்கின்ற கொள்ளை பத்து கிராம் எடுத்துக்கொள்ள வேண்டும்

ராகுவை வசியம் செய்கின்ற கருப்பு உளுந்தையும் பத்து கிராம் அளவிற்கு எடுத்துக்கொள்ள வேண்டும்

அவர்கள் (திக்குவாய் பிரச்சினை உடையவர்கள்) படுத்துறங்கும் தலையணையின் உள்ளே அவற்றை வைத்து தைத்து தொண்ணூறு தினம் அவர்கள் தொடர்ச்சியாக அதைப்பயன்படுத்தும்படி செய்ய வேண்டும், அவ்வாறு செய்யும் பொழுது கேதுவானவர் கொள்ளின் மீது வசியம் செய்யப்பட்டும், ராகுவானவர் கருப்பு உளுந்தினால் வசியம் செய்யப்பட்டும் கிடைக்கும் காந்த சக்தியினால் அவர்கள் மெல்லப்பேசத் துவங்கி விடுகிறார்கள்

இந்தமுறையும் சாத்தியமில்லை என்று வேறொருமுறை வேண்டுபவர்களுக்கு கொள்ளை மாவாக்கி, அம்மாவில் களி செய்து ஒருவேளை சாப்பிடும்படி செய்யவேண்டும். வாரத்தில் ஒருமுறை கருப்பு உளுந்து ஆன வடையையோ அல்லது களியையோ சாப்பிடும்படி செய்தால், அது அவர்களின் உடலில் சென்று இரத்தத்தில் கலந்து நரம்பு மண்டலத்தை பலப்படுத்தி அவர்களைப் பேச செய்து விடுகிறது என்றால் நம் முன்னோர்கள் நமக்களித்த முத்தான, சத்தான பரிகாரங்களை செய்ய நாம் ஏன் தயங்க வேண்டும்

குழந்தைகளுக்கு இதைச் செய்து கொடுத்து அந்தத் திக்குவாய் தோஷத்திலிருந்து அவர்களைக் காப்பாற்றி, அவர்களின் நல் வாழ்க்கைக்கு ஒளி ஏற்ற வேண்டுமென்று என்று கூறி இனிதே இப்பகுதியை பூர்த்தி செய்கிறோம்