கடுமையான விஷ ஜுரம் நீங்க பரிகாரம்

அன்பர்களே, இன்று நாம் காணவிருப்பது, கடுமையான விஷ ஜுரம் தீர நாம் வணங்க வேண்டிய தெய்வம் பற்றியதாகும். ஒரு மனிதனுக்கு விஷ ஜுரம் பிறர்க்கு வராமல் குறிப்பாக அவனுக்கு மட்டும் வருவதற்கான காரணம் என்ன

மருத்துவம் என்னதான் உயர்ந்தாலும் ஒரு மனிதனுக்கு ஆகாத காலம் என்ற ஓன்று வந்துவிட்டால், விஷகிருமிகளால் அவன் பெரிதும் பாதிக்கப்படுகின்றான். அதற்கு தீர்வு இருக்கிறதா

இருக்கின்றது. ஜுரம் நோய் நீங்கிட வணங்க வேண்டிய திருத்தலம்

"திருக்கண்டீஸ்வரம்". திருவாரூர் மாவட்டம் நன்னிலம் அருகில் இத்தலம் உள்ளது. இறைவன்-பசுபதீஸ்வரர், இறைவி-சாந்த நாயகி, தலமரம்- வில்வம், இது காமதேனு வழிபட்ட தலம்

ஒருமுறை அம்பாள் பசு உரு தரித்து தம் கொம்பால் மண்ணைக் கிளறியவாறு இறைவனைத் தேடினாள். அப்பொழுது அம்பாளின் கொம்பால் சுயம்பு உருவாய் இருந்த இறைவனுக்கு காயமேற்பட்டு இரத்தம் வடிந்தது. இதைக் கண்ட அம்பாள் பதறினாள். பின்பு, தன்பாலை சொரிந்து இரத்தம் வடிவதை நிறுத்தினாள்

அப்படிப்பட்ட பெருமைமிகு ஸ்தலம் இது

மூன்று திருவடிகளுடன் கூடிய உரு இவ்வாலயத்தில் உள்ளது. ஜுரநோயால் வாடுவோர் வெந்நீர் அபிஷேகம் செய்து புழுங்கல் அரிசி நிவேதனம் செய்தால் நோய் குணமாகும். இறைவனுக்கு கட்டுப்படாதது எதுவுமில்லை நமக்கு பேரண்டம் இருப்பது இறைவனுக்கு கடுகளவு என்று கூறி இப்பகுதியை இனிதே நிறைவு செய்கிறேன்.