வெண்குஷ்டம் நோய் நீங்க பரிகாரம்

அன்பர்களே. இன்று நாம் காணவிருப்பது வெண்குஷ்டம் பற்றியதாகும். ஒருவருக்கு இந்த நோய் வரும் பொழுது இயற்கையிலேயே அவர்கள் தாழ்வுமனப்பான்மையை அடைந்து விடுகிறார்கள். அதனால் அவர்கள் தங்களின் வாழ்க்கையிலே வெற்றி பெறுவதில்லை

இந்த நோயை கண்டவர்கள் என்ன நினைக்கிறார்கள் என்றால் அவர்கள் என்ன பாவம் செய்தார்களோ இந்த வெண்குஷ்டம் அவர்கள் தாக்கியிருக்கிறது என்று. பாவம் செய்தவன் எல்லாம் எந்தவித வியாதியும் இல்லாது , நடந்து செல்வதை நாம் காண்கிறோம்

இந்நோய் நல்லவர்களைக் கூட புண்ணியம் செய்தவர்களைக்கூட தாக்குகிறது.வைத்தியத்தில் இதற்கு வழி கேட்டால், நுண் கிருமியால் தோன்றுகின்ற ஒரு நோய் என்று விஞ்ஞான விளக்கம் அளித்து, அதற்கான மருந்தையும் அளித்து விடுகிறார்கள். அம்மருந்தை உண்டு, அவ்விஞ்ஞான விளக்கத்தின்படி வழி கேட்டும் ஆறுதல் அடையாத, நோய் பூரண குணம் அடையாத அன்பர்களுக்கு நண்பர்களுக்கு இன்று அளிக்கப்படும் பரிகாரம் தேன் போன்று இனிக்கும்

முதலிலே இந்த வெண்குஷ்டம் எப்படி வருகிறது. ஒருவருடைய ஜனன ஜாதகத்தை நீங்கள் எடுத்துக் கொண்டால் தோல் வியாதிக்கு காரணமாக இருக்கின்ற அதிமுக்கியமான புள்ளியானவர் கேது ஆவார். இவருடைய பார்வை, சந்திரன் மீதோ அல்லது செவ்வாய் மீதோ அந்த லக்கனத்திற்கு இரண்டாவது இடத்திலே அந்த சந்திரன் ராகு அல்லது கேது கலந்து செவ்வாயினுடைய பார்வை பட்டு தோலில் ஏற்படும் இந்த வியாதிதான் இந்த வெண்குஷ்டம்

இதைக் கண்டவுடனே, மனம் வெதும்பி விடக்கூடாது நொந்து விடக்கூடாது, இது அந்தக் குறிப்பிட்ட தசையிலே தாக்கி நமக்கு இந்த வேதனையை உண்டாக்கும். அதற்கு நம் முன்னவர்கள் அருமையான பரிகாரங்களை அளித்திருக்கிறார்கள் என்றால் அவர்களெல்லாம் போற்றுதலுக்குரிய வர்களல்லவா?

அத்தகையவர்கள் அருளியிருக்கும் பரிகாரங்களை நாம் நல்ல முறையிலே பயன்படுத்திக் கொள்ள வேண்டும்

ஒரு அற்புதமான பரிகாரம் என்னவென்றால் இந்நோயில் அடிபட்டு அவதிப்பட்டுக் கொண்டிருக்கும் நண்பர்கள் புதுக்கோட்டையின் அருகாமையிலுள்ள

பேரையூர்" என்ற திருத்தலத்திற்கு ஒரு சனியன்று ஒன்பது பத்தரை மணியில் வரும் ராகு காலத்தில், ராகு பெருமானை தரிசனம் செய்தால், அந்நோய் உங்களைவிட்டு, அகலத்துவங்கி விடும் மறையத்துவங்கிவிடும், அதனால் அதிலிருந்து விடுதலை கிடைக்கிறது

செவ்வாயின் ஆதிக்கத்திலே உருவாகுகின்ற தோல் வியாதியான இந்த வெண்குஷ்டம் ஒரு முறை பௌர்ணமி தினத்தன்று திருச்செந்தூர் முருகப்பெருமானை வணங்கி அவருடைய ஆலயத்தின் அருகாமையிலே இருக்கின்ற கடலிலே நீராடி உருக்கமாக "ஸ்ரீம் சரவணபவா" என்ற மந்திரத்தை ஆறுமணி நேரம் உட்கார்ந்து ஓதி அதன்பின் எடுத்துக்கொள்ளும் மருந்துகள், மிக வேகமாக வேலை செய்து இந்நோயை பூரணகுணம் பெறச்செய்கின்றது என்றால் அதற்கு முருகப்பெருமானின் திருவுள்ளமே முழுமுதற்காரணமாக இருக்கின்றது என்பதி வேறொரு ஐயமுமில்லை

நம்மால் செய்ய இயலாத அனைத்து செயல்களையும் இறைவனால் செய்ய இயலும் என்பதை நீங்கள் தாராளமாக தைரியமாக நம்ப வேண்டும். அதற்கு உங்களுக்கு பிடிவாதமான பக்தி இருக்க வேண்டும். அதுவே உங்களுக்கு சகல சௌபாக்கியங்களையும் அளிக்கும் என்று கூறி இனிதே இப்பகுதியை பூர்த்தி செய்கிறோம்