குழந்தை இறப்பு தோஷம் நீங்க

அன்பர்களே, இன்று நாம் காணவிருப்பது, ஒரே நேரத்தில் தாய், தந்தையை இழக்கும் குழந்தைகளின் ஜாதக அமைப்பு எப்படி இருக்கும். ஒரு சில குழந்தைகளுக்கு தந்தை இருப்பதில்லை, ஒரு சில குழந்தைகளுக்கு தாய் இருப்பதில்லை, ஆனால், ஒரு சில குழந்தைகளுக்கு தாயும் இல்லை,தந்தையும் இல்லை என்ற நிலையை நினைத்துப்பாருங்கள் இதயத்திலிருந்து இரத்தம் வரும் கண்களிலிருந்து ரத்தக்கண்ணீர் பீறிடும்

அதை அனுபவித்தவர்களுக்குத்தான் தெரியும் அது எவ்வளவு துன்பகரமான நிலையென்று.

குழந்தைகள் புண்ணியம் செய்திருந்தால்தான் தாய் தந்தை கடைசிவரை அந்த குழந்தைகள் இருந்து ஆனந்தநிலைக்கு செல்வார்கள்.

ஒரு குழந்தை அமாவாசையிலே பிறக்கும்பொழுது அதன் ஜாதகத்தை நீங்கள் கண்டிப்பாக ஜோதிடர்களிடம் காட்டி சோதித்துக் கொள்ள வேண்டும். இது ஏன் சொல்லப்படுகின்றது என்றால், ஒரு ஜோதிடத்தில், ஒரு ஜாதகத்தில் நான்காவது இடம் தாயை காட்டுகின்றது.

ஒன்பதாவது இடம் தந்தையைக் காட்டுகிறது , ஐந்தாவது இடம் பூர்வ புண்ணியம் என்று சொல்லப்படுகின்ற முற்பிறவியின் தொகுப்பைக்காட்டுகின்ற இடமாக இருக்கிறது.

சூரியனும், சந்திரனும் எப்பொழுது வானிலே சஞ்சாரம் செய்கிறார்கள், அவர்களிருவரும் ஒரே நேர்க்கோட்டில் சந்திப்பது அமாவாசை தினத்தன்று, அப்பொழுது ஒரு சிலரது ஜாதகத்திலே நான்காவது இடத்திலோ, ஐந்தாவது இடத்திலோ அல்லது ஒன்பதாவது இடத்திலோ இந்த சந்திரன் சூரியன் கூடி இருக்கப்பிறந்தவர்கள் அவர்கள் பிறந்த ஒரு மாதகாலத்திலோ, ஒரு வருட காலத்திலோ தாயையும், தந்தையையும் இழந்து விடுகிறார்கள்.

நம் முன்னோர்கள் அனைவரும் பல விவரங்கள் அறிந்த வல்லுனர்கள், இது உண்மை , அவர்கள் அளித்துச் சென்ற பரிகாரமுறைகளை நீங்கள் அறிந்து கொள்வதன் மூலம் பிரச்சினைகளை, சங்கடங்களைத் தீர்த்து நல்வாழ்வு பெறுவீர்கள்.

தாயைக் கட்டுகின்ற நான்காவது இடம் தந்தையைக் காட்டுகின்ற ஒன்பதாவது இடம், இதில் நான்காவது இடத்தில் சூரியன், சந்திரன் சேர்க்கை அமைப்பு அல்லது ஐந்தாவது இடத்தில் அல்லது ஒன்பதாவது இருக்க, அந்த அமாவாசை தினத்திலே உதித்த குழந்தைகளுக்கு தாய்.தந்தையைக் காப்பற்றுகின்ற பரிகாரத்தை இப்பொழுது நீங்கள் பெறப் போகிறீர்கள்.

இந்தத் தந்தையைக் குறிக்கின்ற கிரகமான சூரியனின் ஸ்தலம் "திங்களூர்" என்ற ஊர்

வருடத்திற்கு ஒருமுறை இந்தகோயிலுக்கு சென்று, என் குழந்தைகளை நீங்கள் தத்தெடுத்துக் கொள்ள வேண்டும், உங்களுடைய குழந்தைகளை பாவித்து எங்களை நீங்கள் கரை சேர்க்க வேண்டும் எங்கள் ஆயுளை வளர்க்க வேண்டும். என்று கூறவேண்டும்.

வெளிநாட்டில் இருக்கும் அன்பர்களுக்கு இங்குள்ள பரிகார முறை சாத்தியமா என்றால் சாத்தியம் இல்லை. அப்படிப்பட்ட அன்பர்களுக்கு வேறு ஒரு அற்புதமான வழி இருக்கின்றது. நாம் தினந்தோறும் இரண்டு கிரகங்களைப் பார்த்துக் கொண்டிருக்கின்றோம். காலையிலே சூரியன், இரவில் சந்திரன். இப்படி பார்க்கும்பொழுது, சூரியனே என் குழந்தைகளை தத்து எடுத்துக் கொள் சந்திரனே என் குழந்தைகளை தத்தெடுத்துக்கொள், பெற்றெடுத்த எங்களுக்கு அவகள் சொந்தமாகவில்லையென்றால், நீதான் எங்களுக்கு ஆயுளைக் கொடுத்து எங்களின் கடமையை பூரணமாக செய்து முடிக்க வழிகாட்ட வேண்டுமென்று வாய்ப்பு கிடைக்கும் போதெல்லாம் உங்கள் குறையை எடுத்துச்சொல்லி மனதார பூஜை செய்யவேண்டும். நிச்சயமாக உங்கள் ஆயுள் பலம் வளம் பெறும் என்று கூறி இனிதே இப்பகுதியை பூர்த்தி செய்க