அன்பர்களே, இன்று நாம் காணவிருப்பது, சில பெற்றோர்கள் தங்களின் அந்திமகாலத்திலே, வயோதிக நேரத்திலே பெற்ற பிள்ளைகள் இருந்தும், அவர்கள் கவனிக்கப்படாமல் முதியோர் இல்லங்களுக்கு மிரட்டப்படுகிறார்கள், துரத்தப்படுகின்றார்கள். இது ஏன்
இதற்கு ஜாதகம் காரணம்
இது ஏன் என்று பார்க்கும்போது, ஒருவருடைய தனிப்பட்ட ஜாதகத்திலே 5 வது இடத்திலே குரு இருந்தால், அந்தணன் தனியே இருக்க, அனத்தவர்கள் மிக்க உண்டு. அந்தணன் என்றால் குரு புத்திரகாரகன். 5-வது இடத்திலே தனித்து இருந்தால், குழந்தை பெரும் பாக்கியத்தைப் பெறுகின்றார்கள். ஆனால் பிறக்கின்ற முதல் குழந்தை ஆண் குழந்தையாக இருந்தால், அவர்கள் படும் துன்பத்திற்கு அளவே இல்லை.
ஏராளமான துன்பத்தை அனுபவிக்க வழி செய்துவிடும்
நம்முடைய ஜாதகத்திலே 5-வது இடத்திலே குரு தனியாக இருந்து, முதல் குழந்தை ஆண் குழந்தையாக இருந்தால் அந்திமகாலத்திலே வருந்த வேண்டியது இருக்கும். அந்த குழந்தையின் உடைய ஜாதகத்திலே நான்காவது இடம் தாயாரைக் காட்டுகின்றது. ஒன்பதாவது இடம் தகப்பனாரைக் காட்டுகின்றது. இந்த
நான்காவது இடமும், ஒன்பதாவது இடமும் பாதிக்கப்பட்டால், அந்தப் பெற்றோர்கள் ஜாதகத்திலே மோசமான தசையைக் கடக்கும்பொழுது அவர்களுடைய அந்திமக்காலம் அதாவது அவர்களுடைய கடைசிக்காலம் அவஸ்தைகள் நிறைந்ததாக இருக்கும்.
அன்பர்களே, இது உங்களை பயம் காட்டுவதற்காக கூறப்படுவதால்.
பொதுவாக சாலையிலே, இது விபத்துப்பகுதி என்று நம்மை எச்சரிக்கும் நோக்குடன் பலகைகள் வைத்திருப்பார்கள், அது எதற்காக என்றால் நம்மை பாதுகாக்கவேயன்றி, பயம் காட்டுவதற்காக அல்ல. அதுபோலத்தான் ஜோதிடமும்
ஜாதகத்தை பார்க்கும் பொழுது, இந்த அமைப்பைப் பெற்றவர்களுக்கு நாம் அவர்கள் எச்சரிக்கையாக இருக்கவும் அவர்களுடைய அந்திமக்காலத்தில் கொடுந்துன்பம் அவர்களைத் தாக்காமல் இருக்கும் ஒரு பரிகாரம் இங்கு அளிக்கப்படுகின்றது.
காலம் என்றாலே, நேரத்தைக் குறிக்கின்றது. அது யாருடைய கட்டுப்பாட்டில் இருக்கின்றது, என்றால் பைரவர். அதனால்தான் அவருக்கு "கால பைரவர்" என்ற பெயர் வந்தது
காலபைரவர் இடம் தான் நம்முடைய கடந்த காலம், நிகழ்காலம், எதிர்காலம் என்ற மூன்று பிடிகளும் இருக்கின்றன.
இப்படிப்பட்ட அபாயகரமான அமைப்பைப் பெற்ற ஜாதகர்கள், என்ன செய்ய வேண்டுமென்றால், காலபைரவரை வியாழன்தோறும் வணங்கி வர, வியாழன் என்பது குருவைக் காட்டுகின்ற தினமாகவும், புத்திரஸ்தானத்தைக் குறிக்கின்ற தினமாகவும் இருப்பதால் அன்றைய தினம் கால பைரவரை வணங்கி என் பிள்ளைக்கு நல்ல புத்தியைக் கொடுத்து என்னுடைய அந்திமக்காலத்திலே என் கஷ்டங்களைக் குறைக்க வேண்டும், "காலபைரவரே" என்று மனதார வேண்டிவர, நல்ல நிலையிலே இருக்கும்பொழுதே இந்த வழிபாட்டை செய்து வர உங்களுடைய விதி கட்டுப்பாட்டுக்குள் வரும், உங்கள் துன்பம் கட்டுப்படும், மட்டுப்படும் என்றால் அது
காலபைரவரின்" கருணையே
நிச்சயமாக நீங்கள் ஆனந்த நிலைக்கு வரவில்லை என்றாலும்கூட, மிகுந்த பாதுகாப்பு நிலைக்கு வந்துவிடுவீர்கள் என்பது உறுதி. இந்த ஜோதிடம் பார்ப்பது எதற்கு என்றால், முன்கூட்டியே நமக்கு வரும் அபாயங்களை உணர்ந்து
கொள்ளத்தான். உங்களுக்கு அளிக்கப்பட்டு வரும் பரிகாரங்களின் மூலமும் நீங்கள் நிச்சயமாக பலனடைவீர்கள் என்று கூறி இப்பகுதியை இனிதே பூர்த்தி செய்கிறோம்.
